Nêçîrvan Barzanî serdana Îranê dike

PeyamaKurd – Serokê Herêma Kurdistanê Nêçîrvan Barzanî, ji bo beşdarî merasîma sûndxwarina Îbrahîm Reîsî bibe, serdana Îranê dike.

Serokatiya Herêma Kurdistanê diyar kir, Serokê Herêma Kurdistanê Nêçîrvan Barzanî bi serokatiya şandekê û bi serdaneke fermî, serdana Tehranê Paytexta Komara Îslamî ya Îranê dike.

Herwiha hat destnîşankirin, şanda bi Serokê Herêma Kurdistanê re ji Serokê Dîwana Serokatiya Herêma Kurdistanê, Wezîrê Ewqafê û Karûbarên Olî, Wezîrê Rewşenbîrî û Lawan û Wezîrê Karûbarên Civakî pêk tê.

Îbrahîm Reîsî roja 18/6/2021 di hilbijartina serokatiya komara Îranê de, bi rêjeya ji sedî 62 a dengan wek Serokê Îranê hatibû hilbijartin û îro jî di merasîmekê de sûnda yasayî dixwe.