Serok Barzanî bi Helbûsî rewşa Iraq û herêmê gotûbêj kir

PeyamaKurd - Serok Mesûd Barzanî li Pîrmamê îro 30yê Tîrmehê pêşwazî li Serokê Partiya Teqedûm a Iraqê Mihemed Helbûsî kir.

Serok Mesûd Barzanî ligel Serokê Partiya Teqedûmê û Serokê Berê yê Encûmena Nûnerên Iraqê Mihemed Helbûsî û şanda pê re civiya.

Hate ragihandin ku di hevdîtinê de guhertinên dawî yên Iraq û herêmê hatin gotûbêjkirin.

Baregeha Barzanî derbarê hevdîtinê de diyar kir ku rewşa siyasî ya Iraqê û pêşhat û guherînên dawî yên li Iraq û Herêma Kurdistanê hatin nirxandin.

Herwiha her du alî li ser pêwendiyên di navbera Hikûmeta Herêma Kurdistanê û Hikûmeta Iraqê de axivîn.

Ji bo derbaskirina astengiyan û çareserkirina pirsgirêkan, tekezî li ser hevahengî û pêwendiya aliyên siyasî yên Iraqê hat kirin.