Serokwezîr bingeha Mizgefta Mezin a Barzaniyê Mezin li Hewlerê danî

PeyamaKurd - Serokwezîr Mesrûr Barzanî diyar kir ku projeya Mizgefta Mezin a Barzaniyê Mezin berhema vîzyonek sê salan e û got ku ev mizgeft wê bibe navendek ku bê cudahî xizmetê ji hemî welatiyan re bike.

Roja Yekşemê, 21ê Hezîrana 2026an, Serokwezîr Mesrûr Barzanî di merasîmek mezin de ku gelek zanayên olî, akademîsyen û kesayetên navdar beşdar bûn, kevirê bingehîn ê projeya "Mizgefta Mezin a Barzaniyê Mezin" li Hewlerê danî.

Di axaftina xwe ya di merasîmê de, Mesrûr Barzanî bal kişand ser aliyên cûda yên projeyê û diyar kir ku fikra avakirina vê mizgeftê sê sal berê ye.

Serokwezîr diyar kir, "Me hîs kir ku Hewler û Kurdistan hewceyê sembolek olî ne ku baweriya gelê me bi Xwedê û evîna mirovahiyê nîşan bide û di heman demê de dîroka bi heybet a gelê Kurd, tijî edalet û berxwedanê li dijî zilmê, sembolîze bike."