VİDEO- Mesrûr Barzanî li ser rêya bi melodîya Ey Reqîb seyare ajot

PeyamaKurd - Serokwezîrê Herêma Kurdistanê Mesrûr Barzanî, îro di merasîmeke fermî de projeya stratejîk û nû ya rêya duşerîdî ya Korê – Şeqlawe – Qendîl a bi nirxê 126 milyon dolarî vekir.

Serokwezîr Meserûr Barzanî peyameke vîdyoyî li ser Xê belav kir û têde seyareya ku li ser rêya nû diçû, bi pêlkirina xêzikên rê yên hişyarîyê re dengê Sirûda Ey Reqîb derdixistin.

I am pleased to inaugurate the new $126m Kore–Shaqlawa–Qandil dual carriageway today, featuring two tunnels and built entirely by local expertise and workforce. https://t.co/BuLS6M2HFW

— Masrour Barzani (@masrourbarzani) November 5, 2026

Serokwezîr Barzanî got ku di vê projeya girîng de du tunel cih digirin û tevahiya karên avakirinê bi pisporî û hêza kedê ya herêmî hatiye pêkanîn.

Vekirina vê rêya nû wekî pêngaveke girîng di pêşxistina binesaziya herêmê û sivikkirina çûnûhatina welatiyan de tê nirxandin.

Hikûmeta Herêma Kurdistanê tekez dike ku bi projeyên bi vî rengî hem geştiyariya herêmê geş dibe û hem jî bi derfetên xwemalî aboriya Kurdistanê tê xurtkirin.