Wezareta Pêşmerge li ser vekişîna hêzên DYA û koalîsyonê daxuyanî da

PeyamaKurd – Wezareta Pêşmerge ya Kurdistanê li ser vekişîna hêzên Amerîka û koalîsyonê ya di 30ê Êlûnê de daxwuyaniyekî da.

Wezaretê got ku eger sîstemekî bergiriya hewayî nê danîn û vekişîn bibe, dê rewş bi endîşe be û parastina bergiriya hewayî ya herêma Kurdistanê dê di bin berpirsiyariya hukumeta federal de be.

Wezareta Pêşmerge ragihand ku vekişîna hêzên Amerîka û koalîsyonê ji Iraqê û Kurdistanê, di encama li hev kirina hukumeta federal û Amerîka û koalîsyonê de ye.

Wezaretê balê kişand ser wextê vekişînê ku rewşa ewlehiya Iraqê û Rojhilata Navîn bê îstîqrare û rewşa ku li herêmê dewam dike ji aliyê ewlehiyê de talûkeye.

Wezaretê got ku di mehên dawiyê de di şerê navbera Îran û Amerîka de ji hezarî zêdetir fuze û drone avêtine herêma Kurdistanê. Di êrîşan de fuze û drone ketine jîngehan, zerarê dane mal û canê xelkê.

Wezaretê ragihand ku bergiriya hewayî ya Kurdistanê perçeyekî ji ya Iraqê ye û berpirsiyarî ya hukumeta federal e. Wezaretê bi sedema desteka hêzên DYA û koalîsyonê ku destekê dane Herêma Kurdistanê û hêzên Pêşmerge sipasiya wan kir.

Di daxwuyaniya wezaretê de hat gotin ku hêzên Pêşmerge ji bo her pêşdeçûnekî nûh amade ye.