YNKê ji bo parêzgariya Kerkûkê 4 namzed nîsan dan
PeyamaKurd - Hat ragihandin ku Yekîtiya Niştîmaniya Kurdistanê (YNK) ji bo posta parêzgariya Kerkûkê çar namzed nîşan dane ku dê digel PDKê yekalî bike.
Malpera Şefeq News a Iraqê bi zardê çavkaniyên YNKê ragihand ku îro 9ê Sibatê ji bo posta parêzgariya Kerkûkê 4 namzed YNKê ji nav rêveberên xwe destnîşan kirine ku dê yek ji wan erka parêzgerê Kerkûkê bistîne.
Li gor nûçeyê namzedê YNKê; Rizgar Elî, Aso Almanî, Rifat Ebdula û Xalid Şiwanî ne û dê pêşniyar li PDKê bê kirin, ku di civîna navbera PDK û YNKê de namzedê posta parêzgariya Kerkûkê bê zelal kirin.
Herwiha hat ragihandin ku YNKê ji bo posta seroktiya parlementoya Kurdistanê jî Bêgerd Talabanî û Rêwaz Fayêq kirine namzed.
Tê çaverêkirin di civîna PDK û YNKê ya 18ê Sibatê de, parêzgariya Kerkûkê jî tê de çend mijarên din ên ji bo avakirina kabîneya nû werin zelalkirin.