Ahmet Davutoglu ji AKPê îsîtfa kir

PeyamaKurd – Piştî ku daxwaza dûrxistina wî ji endamtiya AKPê hatibû kirin, serokwezîrê berê yê Tirkiyê Ahmet Davutoglu îro di civîneke rojnamevaniyê de ragihand ku wî ji endamîtiya AKPê îstîfa kiriye.

Ahmet Davutoglu ragihand, wan ji ber daxwaza dûrxistina wî ji AKPê, hest bi şermê kiriye. Davutoglu dibêje tohmetên ku bo wî têne kirin bêbingeh in.

Serokwezîrê berê Davutoglu ku niha amadekariya partiyeke nû dike herwiha diyar kir, ku AKP ji prensîpên xwe yên destpêkê, ku li ser wan prensîpan hatibû damezrandin, dûr ketiye.

Davutoglu amaje dike ku xelk ji bo pêşeroja Tirkiyê reşbînin in û dibêje pêwîst em sînorekî bo gendeliyê deynin.

Çend xalên din ên ereke yên axaftina Davutoglu wiha ne:

• Me bawer nedikir ku em ji AKPê bêne îxrackirin.
• Cihê xebata me di nava refên AKPê de êdî nemaye.
• Rêveberên AKPê ji rexneyan ditirsin.
• AKP ji nirxên mirovî û demokrasiyê dûr ketiye.
• Divê li Tirkiyê dahat bi dadperwerî bên dabeşkirin.