Rûsya û Tirkiyê dewriyeyeke hevbes li gundewarên Kobanê birêve birin

PeyamaKurd - Polîsê leşkerî yê Rûsyayê û hêzeke artêşa Tirkiyê li gundên rojavayê Kobanê yê Rojavayê Kurdistanê, li ser sînorên Rojava û Bakurê Kurdistanê, dewriyeyeke hevbeş birêve birin.

Li gorî zanyariyên xwecihî dewriyeya hevbeş a Rûs-Tirk îro Duşemê danê sibehê li demjimêr 08:00 dest pê kiriye û li gundên sînorî yên rojavayê Kobanê geriyane.

Dewriyeyên hevbeş ên Rûs-Tirk li ser sînorên Rojava û Bakurê Kurdistanê, piştî rêkeftina Rûsya û Tirkiyê ya Soçiyê 22yê Mijdara 2019an dest pê kiribûn ku ji wê demê ve bi hinceta çavdêrî û dûrxistina YPGê ji sînoran berdewam dikin.