Çarçoveya Hevrêzkirinê civînek li ser 'kabîneya nû' li dar xist

PeyamaKurd - Çarçoveya Hevrêzkirina Şîeyan li Iraqê li ser vîzyonek berfireh ji bo çareserkirina krîza aborî nîqaş kir, bi giranî bal kişand ser çareserkirina kêmbûna elektrîkê û temamkirina avakirina kabîneya nû.

Serokên Çarçoveya Hevrêzkirina Şîeyan îro li ofîsa Emmar el-Hekîm li Bexdayê, bi beşdariya Serokwezîrê Iraqê Elî el-Zeîdî, civiyan da ku mijarên girîng ên di rojevê de nîqaş bikin.

Daxuyaniyek ji Çarçoveya Hevrêzkirinê destnîşan kir ku Serokwezîrê Iraqê vîzyonek berfireh ji bo çareserkirina krîza aborî pêşkêş kir, di nav de pêşniyarên ji bo çareserkirina kêmbûna elektrîkê, aktîvkirina qanûnên ked û ewlehiya civakî ji bo piştgiriya sektora taybet, û avêtina çend gavên pratîkî ku razîbûn û piştgiriya aliyên di Çarçoveya Hevrêzkirinê de bi dest xistin.

Civînê pabendbûna hemî partiyên siyasî ji bo piştgiriya hikûmetê di asta parlemanî, siyasî û medyayê de ji bo misogerkirina serkeftina bernameya wê ya reformê dubare kir û tekez kir ku pêdivî ye ku gavên ji bo temamkirina kabîneyê di zûtirîn demê de bileztir werin avêtin.

Ji Tîrmeha 2026an pê ve, tê payîn ku Parlamentoya Iraqê rûniştinên xwe ji nû ve dest pê bike û kabîne were temamkirin. Ji 23 postên wezîran ên di kabîneya Elî Zeydî de, 9 hîn vala ne. Di vê navberê de, namzetên wezîran ên ku nekarîn dengên têr bi dest bixin, li dijî pêvajoya dengdanê ya li Parlamentoya Iraqê serî li dadgehan dane.