Di 9 mehan den bêtirî 46 hezar koçberan xwe avêt Ewropayê

PeyamaKurd - Komîsyona Yekîtiya Ewropayê (YE) ragihand ku di sala 2019an de ji ser Tirkiyê 46 hezar û 546 koçberan xwe gihandine ‎welatên Ewropayê.‎

Di rapora ku Komisyona Yekîtiya Ewropayê derbarê koça koçberan de belav kiriye de tê ragihandin, ‎ji 1ê Çileya 2019an heta 30yê Îlona 2019an ji Tirkiyê 46 hezar û 546 koçberan xwe gihandine welatên ‎Ewropayê.‎

Li gorî raporê ev hejmar li gorî sala derbasbûyî ji sedî 23 zêde bûye ku sala borî, 37 hezar û 837 koçber zêde bûne.

Di raporê de tê diyarkirin ku ew koçber heta asteke bilind ‎hewl didin xwe bighînin Yunanîstanê, piştî wê jî welatên wek Bulgarîstan û Îtalya tên.‎

Hêjayî gotinê ye, piraniya koçberên ku hewl dane xwe bi ser Tirkiyê re bighînin welatên Ewropayê, welatiyên ‎Afganistan, Sûriye û hin welatên din in.