Lêgerîna xwendekara Kurd Gulîstan Dokû ya 216 roj in wenda ye dîsa dest pê kir

PeyamaKurd - Ji bo dîtina xwendekara Zanîngeha Mûnzûr ya Dêrsîma Bakurê Kurdistanê Gulistan Doku ku 216 roj in wenda ye, noqarên avê dîsa li Bendava Uzun Çayirê di bin avê de dest bi lêgerînê kirin. 

Noqarên avê, ji bo dîtina xwendekara Zanîngeha Mûnzûr ya Dêrsîmê Gulistan Doku ku 216 rojin winda ye, di bin ava Bendava Uzun Çayirê de dest bi lêgerînê kirin.

Yekîneyên rizgarkirinê di 6ê Tirmehê de lêgerîn sekinandibû. Yekîneyên noqarên avê îro dîsa dest bi lêgerînê kirin. Valakirina ava Bendava Uzun Çayir ku 16 rojin didome hat rawestandin. Piştî kûrahiya avê daxistin 16 metreyan, noqarên avê dîsa dest bi lêgerînê kirin. 68 personel, li qada nêzî 3 kilometre di bin avê de lêgerîna xwe didomînin.