'Ew' welat li dijî daxwazên radestkirina Tirkiyeyê derket!

PeyamaKurd – Wezîrê Karên Derve yê Swêdê Tobias Billström îdia kir, peymana Madrîdê “radestkirina Tirkiyeyê” li xwe nagire.

Tobias Billström derbarê daxwazên Tirkiyeyê yên radestkirinê de daxuyanî da û got, "Tu serastkirin û daxuyaniyeke fermî tune ye û divê Tirkiye dawî li daxwazên nû yên ji hikûmeta Swêdê bîne."

Billstrom da zanîn, “Em nikarin destûra bingehîn a ku niha li Swêdê ye, berdin.”

Erdogan çi gotibû?

Serokomar Erdogan derbarê pêvajoya endamtiya Swêd û Fînlandiyayê ya NATOyê de wiha got, “Ji bo derbasbûna parlementoyê divê hûn dora 130 terorîstan bidin me. Mixabin, wan nekarî vî tiştî bikin.”