Kurdistan | 'Neçin cihê ku PKK û artêsa Tirk lê hene'

PeyamaKurd - Serokê desteya tûrîzmê ya Kurdistanê bang li geştiyaran kir ku serdana deverên ji ber şerê PKK û Tirkiyê aloz bûne nekin.

Di van demên dawî de, beşek ji deverên sînorî yên Başûrê Kurdistanê bi temamî bûye meydana şerê PKK û Tirkiyê û herî dawî jî PKKê avakirina hêzeke milîs ragihand ku rewşa wan deveran hîn aloztir bûye.

Ji ber vê rewşa aloz bandoreke xirab li ser jiyana xelkê wan deveran û kerta turîzmê çêbûye ku jiyana turîstan dikeve xeterê.

Serokê desteya tûrîzma Kurdistanê, Mewlewî Cebar ji medya Kurdistanê re ragihand, ji ber şerê PKK û Tirkiyê bandorek xirab li ser sektora tûrîzmê çêbûye û wan tûrîst hişyar kirine ku neçin deverên sînorî û wan deverên ku şer lê heye.