Li Rûsyayê erdhejeke tund çêbû

PeyamaKurd - Li herêma Çukotka li 335 km nêzîkî bajaroka Tilichiki ya Rûsyayê erdhejeke bi tundiya pileya 6,3 çêbû.

Hat ragihandin ku erdhejê li qadeke mezin bandor kiriye û di kûrahiya 10 kîlomtran a erdzemînê de çêbûye.

Li gorî ragihandina Navenda Lêkolînên Jeolojîk a Amerîkayê (USGS) erdhej li qadeke gelekî berfireh hatiye hîskirin ku di nav xeta faya Çembera Agir a Okyanûsa Pasîfîkê de rû daye ku ji sedî 90ê erdhejên cîhanê ji ser wê xetê pêk tên.

Derbarê ziyanên erdhejê de hîn ti zanyarî nehatine belavkirin.