Netanyahu: Ew ê ne şerekî bêdawî be!

PeyamaKurd - Serokwezîrê Îsraîlê Benjamin Netanyahu îdia kir ku ew neçar man ku tevbigerin ji ber ku Îranê dest bi ji nû ve avakirina tesîsên xwe yên nukleerî yên ku havîna borî rastî êrîşê hatin kiriye û got, "Heke me niha tedbîr negirtiba, em ê nikaribana di pêşerojê de tedbîran bigirin."

Îsraîl û Dewletên Yekbûyî yên Amerîkayê di 28ê Sibatê de êrîşeke leşkerî li ser Îranê dan destpêkirin.

Serokwezîrê Îsraîlê Benjamin Netanyahu derbarê êrîşên li dijî Îranê de ji kanala Fox News a li Amerîkayê re daxuyanî da.

Netanyahu îdia kir ku ew neçar man ku tevbigerin ji ber ku Îranê dest bi ji nû ve avakirina tesîsên xwe yên nukleerî yên ku havîna borî rastî êrîşê hatine kiriye, û wiha got:

"Sedema em neçar man ku niha tevbigerin ev e ku piştî êrîşên me yên li ser tesîsên wan ên nukleerî û bernameyên moşekên balîstîk, wan dest bi avakirina tesîsên nû kirin.

Wan dest bi avakirina bunkerên bin erdê kirin ku wê bernameyên wan ên moşekên balîstîk û bombeyên atomî di nav çend mehan de neguhêzbar bikin.

Heke me niha tedbîr negirtiba, em ê nikaribana di pêşerojê de tedbîran bigirin."

"Ew ê ne şerekî bêdawî be"

Netanyahu îdiayên ku dibêjin Amerîka û Îsraîl li dijî Îranê şerekî bêdawî dimeşînin red kir û got, "Şerekî bêdawî nabe. Ji ber ku ev rejîma terorîst a li Îranê ji damezrandina xwe ve di xala xwe ya herî qels de ye."