Xwiska Mithat Sancar, bi besdariya Îmamoglu û hejmarek siyasetmedaran hat definkirin

PeyamaKurd - Xwişka Hevserokê Giştî yê HDPê Mîthat Sancar, Ayşe Sancar ku doh ji ber krîza dil di 46 saliya xwe de koça dawî kiribû, îro li goristana Kocasînan a Bahçelîevler a Stenbolê bo axê hat spartin.

Hevserokên Giştî yên HDPê Mîthat Sancar û Pervîn Bûldan, Parlamenterên HDP û CHPê, Serokê Şaredariya Bajarê Mezin a Stenbolê Ekrem Îmamoglû, Seroka CHPê ya Stenbolê Canan Kaftancioglû û gelek kes beşdarî merasîma cenazeyê Ayşe Sancar bûn.  

Cenazeyê Sancar piştî merasîma li Mizgefta Mîraç a Bahçelîevlerê, bi xwendina duayan hat definkirin.

Malbata Sancar şîna xwe li Weqfa Perwerdê û Piştevaniyê ya Mêrdîniyan a li Bahçelîevlerê daniye û serxweşiyan li wir qebûl bike.