Spanyayê, Balyozxaneya Îsraîlê tawanbar kir

PeyamaKurd- Hikûmeta Spanyayê ragihand ku Balyozxaneya Îsraîlê ya li Spanyayê, "îdiayên bêbingeh" belav dike û balyozxane bi "agahiyên derew" sûcdar kir.

Hikûmeta Spanyayê Balyozxaneya Îsraîlê ya li Spanyayê bi "agahiyên derew" sûcdar kir ku îdiayên "Wezîrên ku piştgiriyê didin Hamasê" di kabîneyê de hene belav kiribû.

Wezareta Karên Derve ya Spanyayê di daxuyaniya xwe da "îdiayên bêbingeh" ên li ser wezîran red kirin û balyozxane bi "agahiyên derew" sûcdar kir.

Di daxuyaniyê de hat destnîşankirin ku li welatên demokratîk ên wekî Spanyayê her rêberekî siyasî û nûnerê partiyê dikare bi serbestî nêrînên xwe bîne zimên û hat gotin ku ji destpêka pevçûnan û vir ve hikûmetê gelek caran diyar kiriye ku divê gelê Filistînê ji hev cuda bibe.

Her wiha hat destnîşankirin ku yekane rêya ji bo aştî û aramiya herêmê çareseriya du dewletî ye.