''Bexdayê beseke din a diravê genim ji cotkarên Kurdistanê re sand''

PeyamaKurd – Berpirsê Giştî yê Bazirganiyê li Wezareta Bazirganî û Pîşesaziya Kurdistanê Newzad Şêx Kamil ragihand, Bexdayê beşeke din a diravê genim ji cotkarên Kurdistanê re şand.

Li gor Berpirsê Giştî yê Bazirganiyê li Wezareta Bazirganî û Pîşesaziya Kurdistanê Kamil diyar kiriye, Bexdayê beşeke din a diravê genimê cotkarên Kurdistanê yên ku sala 2020 genimê xwe dabûn hikûmeta Iraqê, şand.

Herwiha Newzad Şêx Kamil daye zanîn, ew diravê ku hatiye şandin, 11 milyar û 739 milyon dînar e.

Berpirsê Wezareta Bazirganî û Pîşesaziyê eşkere kiriye, ji wî diravê ku hatiye şandin, 5 milyar û 77 milyon dînar pişka Silêmaniyê ye, 3 milyar û 239 milyon dînar pişka Duhokê û 3 milyar û 423 milyon dînar jî pişka Hewlêrê ye.

Bi gotina wî berpirsê Hikûmetê, hîn 147 milyar dînar diravê cotkaran jî li ba hikûmeta Iraqê maye.