DYAyê hisyariya Lubnanê da Îsraîlê!

PeyamaKurd – Dewletên Yekbûyî ji bo parastina ewlehiya xebatkarên mirovahî yên li Şerîda Xezzeyê banga tedbîrên din kir.

Blinken di hevdîtinên bi Wezîrê Parastinê yê Îsraîlî Yoav Gallant re li Washîngtonê bang kir ku li Lubnanê ji aloziya zêdetir dûr bikevin.

Serdana Gallant bo Washingtonê armanc dike ku bihêzbûna pêwendiyan bi hevalbendê herî mezin ê Îsraîlê re dubare bike. Tawanbarkirina Serokwezîrê Îsraîlê Benjamin Netanyahu ya vê dawiyê ya rêveberiya Joe Biden Serokê Amerîka bi derengxistina şandina çek û cebilxaneyan bû sedema aloziyeke nû di navbera her du hevpeymanan de.

Blinkenê ku li Wezareta Karên Derve bi Gallant re 2 saetan hevdîtinek kir, li ser dîplomasiya nerasterast ji bo peymana di navbera Îsraîl û Hamasê de ku "Azadkirina hemû rehîneyan misoger bike û êşa gelê Filistînê sivik bike" nirxand.

Li gorî daxuyaniya Berdevkê Wezareta Karên Derve ya Amerîkayê Matthew Miller, Blinken herwiha destnîşan kir ku ji bo parastina ewlehiya canê xebatkarên alîkariyên mirovî yên li Xezzeyê divê zêdetir xebat bên kirin.