Fînlandiya 64 balafirên F-35 ji Amerîkayê dikire

PeyamaKurd – Dewleta Fînlandiyayê bi Amerîkayê re peymanekî îmze kir û wê 64 balafirên şer yên herî modela nû ya F-35 ji Amerîkayê bikire. Ji ber li rojhilatê Awrûpayê komkirina leşker û alavên leşkerî zêde dibin, di dawiya sala borî de rêvebiriya Fînlandiyayê ji bo ji şîrketa Amerîkî ji Lockheed Martinê balafirên F-35 bikire amadekariya xwe dikir û di encamê de niha peymanê îmze kir.

Her çendîn Peyman hatiye îmezkirin jî dibe ku teslimata balafiran heya sala 2027 an nebe. Di nav peymanê de xizmeta perîyodîk, perçên îhtîyadî û perwerde heye.

Fînlandiya ne endamê NATO yê lê endamê YA ye û wezareta bergiriyê ya Fînlandiyayê ragihand ku ti têkiliya kirîna balafiran bi aloziya Ûkraynayê tine. Dewlet tenê dixwaze bergiriya xwe ya leşkerî xwurttir bike.