Kerkûk | Partiyên Kurdistanê 6 daxwaz ji Iraqê kirin

PeyamaKurd - Partiyên Kurdistanê yên bajarê Kerkûkê bi daxuyaniyek hevbeş li dijî kiryarên hemberî Kurdan li Kerkûkê û bajarokên wê derketin û gotin, ji rewşa xirab serokomarê Iraqê berpirs e.

Partiyên Kurdistanî yên Kerkûkê îro yekşemê ragihandin, “Rewşa Kerkûkê ber bi qonaxeke baş ve naçe û pêlek ji proseya erebkirin û êrîşkirina ser kurdan dest pê kiriye.”

Di daxuyaniya hevbeş de 6 daxwaz hatin kirin:

1- Daxwaz ji hikûmeta Iraqê hat kirin ku rewşa awarte ya li Kerkûkê rake.

2- Rê li ber siyaseta erebkirinê bigire.

3- Pêwîste rêveberiya PDKê û YNKê bicivin û parêzgerekî hilbijêrin û dawî bi desthilata parêzgerê Heşdî Şeibî yê li Kerkûkê bînin.

4- Serokkomar ji vê rewşa xirab a Kerkûkê berpirs e.

5- Divê hikûmet û parlamentoya Kurdistanê helwest li hember vê rewşa xirab a Kerkûkê nîşan bide.

6- Partiyên siyasî yên Kurdistanê piştevaniya cotkarên Kurd dikin.