Pentagon: Hêzên Amerîka yên ji Rojava bên derxistin li Iraqê tên bicihkirin

PeyamaKurd - Wezîrê Berevaniyê yê Amerîkayê (Pentagon) Mark Esper ragihand ku li gor wê plana danîne hêzên wan ji ‎Sûriyê vedikişin diçin rojavayê Iraqê û di rûbirûbûna DAIŞ û bermayiyên wê de têkoşînê berdewam dikin.‎

Wezîrê Berevaniyê yê Amerîkayê Mark Esper doh dest bi gera Rojhilata Navîn kir û dema ji Washingtonê bi rê ket ji rojnamevanan ‎re got, piştî vekişîna hêzên Amerîkayê ji Sûriyê, ew hêz li Iraqê tên bicihkirin ku ew derbarê vê ‎mijarê de ligel Wezîrê Berevaniyê yê Iraqê axifî ye.‎

Li gorî Esper hejmara wan serbazên Amerîkî ku biryar e bo Iraqê bên veguhestin zêdeyî 700 serbaz e, û 200-‎‎300 serbaz jî li Sûriyê dimînin.

Serokê Amerîkayê Donald Trump ragihandibû ku ‎dem hatiye serbazên Amerîkayê vegerin welatê xwe, lê li gorî plana Pentagonê serbaz venegerin Amerîkayê, li Iraqê bicih dibin.