Derdê kolberan naqede: Vê carê du kolber birîndar bûn

PeyamaKurd- Kêm rojek hebe ku kolberên Kurd yên li rojhilatê Kurdistanê neyên birîndarkirin an kuştin. Vê carê jî li bajarê Şînoyê leşkerên Îranê bi sîlihan raste rast bera kolberan dan û du kolber birîndar bûn.

Li gor ragihandina Dezgeya Mafên Mirovan a Hengawê li bajarê Şînoyê du kolber ji aliyê pasdaran de hatin birîndarkirin. Birîndarê bi navê Ebdulqadir Cesûrî xelkê gundê Nelosê ye û Necmeddîn Ispank xelkê gundê Sofya ye.

Hêzên Îranê heywanên wan kuştine û dest danîne ser barên wan.