Kobanî | Eyn Îsa bi obûsan tê topbaran kirin

PeyamaKurd – Hat ragihandin ku artêşa Tirkiyê bi topên obûsan bajaroka Eyn Îsa ya Kobaniyê li Rojavayê Kurdistanê topbaran dike.

Çavkaniyên herêmê radigihînin ku topbaranê di demjimêrên nîvro de dest pê kiriye û gundê Cehbê yê girêdayî navçeya Eyn Îsa bi obusan tê topbarankirin.

Li gorî zanyariyan artêşa Tirkiyê ji gundê Şergirakê ve gundê Cehbê topbaran dike ku ev jî ligel rêkeftinên Soçî û yên bi Amerîkayê re dikevin xeta sor a êrîşên ser Kobaniyê.

Piştî vekişîna leşkerên Amerîkî li Eyn Îsayê hêzên Rûsî û rejîma Sûriyê hatibûn bicihkirin.