Serok Barzanî bi Wezîrê Derve yê Fransa Le Drian re civiya

PeyamaKurd – Serok Mesûd Barzanî îro Înê pêşwazî li Wezîrê Derve yê Fransayê Jean-Yves Le Drian kir ku ji bo serdaneke fermî li Herêma Kurdistanê ye.

Hat ragihandin ku di hevdîtina Serok Barzanî û Le Drian de, li ser mijarên herêmî, têkoşîna dijî DAIŞê û pêwendiyên Bexda-Hewlêrê gotûbêj hat kirin.

Serok Mesûd Barzanî li ser hesabê xwe yê twitterê got: ‘’Ez kêfxweş bûm bi pêşwazîkirina Wezîrê Derve yê Fransayê Jean-Yves Le Drian li nivîsgeha xwe. Me behsa rewşa niha ya Iraqê kir û pêwendiyên navbera herêma Kurdistanê û Fransayê jî me guftûgo kir. Herwiha me behsa zêdetir bihêzkirina wan pêwendiyan kir.’’

Had the pleasure of receiving @JY_LeDrian at my office today. We discussed the current situation in Iraq and of the bilateral relations between the Kurdistan Region and France and spoke of ways to further strengthen such relations. pic.twitter.com/YccO9wmk67

— Masoud Barzani (@masoud_barzani) July 17, 2020

Wezîrê Derve yê Fransayê doh piştî serdana Bexdayê derbasî Hewlêrê bûbû û bi Serokê Herîma Kurdistanê Nêçîrvan Barzanî û Serokwezîr Mesrûr Barzanî re civiyabû.

Le Drian doh jî li Bexdayê jî be Wezîrê Derve yê Iraqê Fuad Husên û Serokomar Berhem Salih re hevdîtin pêk anîbûn.