Serokwezîrê Iraqê: Werin em cejna Newrozê bikin derfet ji bo berqerarbûna asayîs û îstiqrarê

PeyamaKurd – Serokwezîrê Iraqê Mistefa Kazimî ji bo cejna Newrozê peyamek belav kir û diyar kir: “Werin em cejna Newrozê bikin derfet ji bo berqerarbûna asayîş û îstiqrarê.”

Li gor peyama Mistefa Kazimî li ser hesabê xwe yê Twitterê belav kir: “Ez ji bo cejna Newrozê pîrozbahiyê li hemû Iraqiyan û bi taybetî li gelê Kurd dikim.”

Kazimî eşkere kir: “Werin em vê boneyê bikin derfetek ji bo bilindkirina nirxên xoşewîstî û sozê, ji bo berqerarkirina asayîş, avakirina siberojeke baştir bo zarokên me, destgirtina bi Iraqa îstiqrar û bihêz û avakirî.”