Li gora rapora nûçegihaniya “REUTERS”, “Bärel Kofler” komîsariyayê Mafê Mirovan a Almaniyayê, roja Çarşemî 11`ê Rêbendanê, derheqê îdamkirina hemwelatiyê bi navê “Elî Kazimî” ku di temenê 15 saliyê de rastî kuştina bizanebûn hatibû, ragehan ku dezgeha dadweriya rejîma Îranê sizaya îdamê bi ser de sepandibû. 

Navbirî bi bê haydarbûna parêzerê wî hatiye dadgehkirin, û herwisa egera îdamkirina ciwanekî din yê bi navê “Hemîd Ehmedî” heye, ku ew jî bi kuştina bizanbûn di temenê zarokatiyê de hatiye giritin.

Îdamkirina “Elî Kazimî”yê temen 22 salî, dijkiryarên tund yên Saziya Lêborîna Navneteweyî li pey xwe hebûye.

Saziya Lêborîna Navneteweyî îdamkirina kesên ku, di temenê jêr 18 saliyê de, rastî kuştina bizanebûn tên, wekî binpêkirina mafê mirovan dizane.

Vê rêkxiravê di daxuyaneyekê de ragehandiye ku, îdamkirinên bi vî rengî, binpêkirina rasterast a konvansiyûnên saziyên navneteweyî ye, û eva jî di demekê de ye ku rejîma Îranê jî ev konvansiyûna wajo kiriye.

Ev nivîs 210809 car hatiye xwendin.