Rêveberiya Nexweşxaneya Zanîngeha Dîcleyê ya Diyarbekir derbarê bûyera vayrûsa hîvê de ku asîstan bijişkeke dema emeliyatê de derzî bi tiliya wê re çû bû û bi vayrûsa hîvê ketibû de daxuyaniyeke çapemeniyê li dar xist û hate amajekirin ku di derbarê bûyerê lêpirsîn hatiye destpêkirin.

Di 27’ê Berfanbarê de dema ku nexweşek ya vayrûsa hîvê ku dûcanî bû bo dermankirinê serî li Nexweşxaneya Zanîngeha Dîcleyê da û pêwîst bû zayîna wê bi rêya sezeryanê were kirin, tîmeka bijişkan red kirin ku bikevin emeliyata zayînê û li ser vê yekê tîmeke din ev emeliyat pêk anî.

Di emeliyata zayînê de derzîya kêliyê bi tiliya asîstan bijişkekê re çû û asîstan bijişk jî tûşî vayrûsa hîvê hat. Li ser vê bûyerê Serbijişkê Nexweşxaneya Zanîngeha Dîcleyê Alî Kemal Kadiroglû civîneke çapemeniyê li dar xist û da zanîn ku di derbarê tîma bijişkan a ku red kiriye bikeve emeliyatê de lêpirsîn hatiye destpêkirin.

Serbijişkî amaje kir ji ber ku demildest mudaxaleyên pêwîst bo asîstan bijişkê hatine kirin îxtîmala rizgarbûna ji vayrûsa hîvê bilind e.

Ev nivîs 210842 car hatiye xwendin.