Li gor çavkaniyên herêmî Encûmena Bajarê Urmiyê ji bo çavdêrîkirina navên bajar, rêi kolan û cihên giştî civiya.

Li gor agahiyan mijara civînê diyarkirin û nivîsandina 310 navên rê û kolanên navçeyên Şîno û Serdeştê bû.

Civîna encûmanan de qeymeqamên navçeyên Şino û Serdeştê jî amade bûn û biryar hat dayîn ku navê 236 rê, kolan û 15 taxên navçeya Serdeştê were guhertin û navê 74 kolan û 14 taxên nû yê navçeya Şîno jî hatin danîn. Cîgirê Parêzgarê Urmiyê Terqî Kehoriyan jî di civînê de got: "Divê navên kesayetiyên îslamî, şehîdên Komara Îslamî ya Îranê û zanayên navçeyê li ser cihên giştî bên danîn."

Kehoriyan di berdewamiya axaftina xwe de got: "ji bo parastina yekparçeya siyasî û çandî ya Îranê divê navên wan cihan tenê bi Farisî bin." Kehoriyan bi wî awayî nivîsandina Kurdî red kir ku şaredariyan xwestibû navê hinek navnîşanan bi Kurdî bê nivîsandin.

Ev nivîs 210801 car hatiye xwendin.