Şandeke ji Parlementoya Herêma Kurdistanê ji bo şopandina ji nêzîk ve îro serdana Efrîn û Rojavayê Kurdistanê dike. Tariq Cewherê Şêwirmendê Ragihandina Serokatiya Parlementoya Kurdistanê ragihand ku şandeke Parlementoya Kurdistanê dê ji bo rewşa Efrînê serdana Rojavayê Kurdistanê bike.

Li gorî agahiyên hatine bidestxistin şanda ji parlamentoyê dê derbasî Rojavaya Kurdistanê bibin ji 5 kesan pêk tê.

Elî Halo, Ebas Fetah, Şêrko Heme Emîn, Ebû Karwan û Suhrab Mîkaîl dê li ser navê Partiya Demokrat a Kurdistanê (PDK), Yekîtiya Niştimaniya Kurdistanê (YNK), Tevgera Goran, Partiya Komunîst a Kurdistanê û Yekgirtûya Îslamî ya Kurdistanê cih bigirin.

Parlementoya Herêma Kurdistanê her wiha daxwaz dike ku alîkariyên derman û kelûpelên bizîşkî jî bi xwe re bibe Efrînê.

 

 

Ev nivîs 210809 car hatiye xwendin.