Wezîrê Karên Derve yê Rûsyayê Sergey Lavrov di beyanatek xwe ya bo Euronewsê de got:” Amerîka dixwaze li Sûriyeyê birêvebireyek xweser ya kurdan ava bike û bi sedan salan li wir hukm bike.”

Sergey Lavrov ku beyanatek da Euronewsê  polîtîkayên Amerîkayê yên kurdan rexne kir û got:”Washington dixwaze welatî parçe bike. Niha hêzên xwe yên çekdar bikar tîne û ez pê bawerim bi vî awayî dixwaze heta hetayê li Sûriyeyê bimîne. Hewl dide ku yekbûna Sûriyeyê parçe bike. Beşek jê parçe bike kurdan li wir bicih bike.”

Lavrovî her wiha got:”Amerîka dixwaze li Sûriyê otorîteyên rêveberiyên herêmî ya aîdî kurdan ava bike û dixwaze bi sedan salan li ser vî axî otorîteya xwe jî bimeşîne, ne ji Yekîtiya Ewropayê ne jî ji Şamê tu destûr nestendiye bi serê xwe vî îşî dike."