Serokwezîra Almanya Angela Merkel, da zanîn ku heke hat û êrîşek hewayî li dijî Sûrîyê pêk hat, wê Almanya beşdarî êrîşên hewayî nebe.

Angela Merkel, berî niha piştgirî dabû Helwesta Amerîka û Fransayê û hat fêhmkirin ku wê Almanya jî beşdarî êrîş û operasyonên hewayî yên li dijî Sûrîyê bibe. Lê Merkel, eşkere kir ku piştgirîya wan tenê li dijî bikaranîna çekên kîmyewî ye û mebesta wan ne ku beşdarî operasyonên hewayî bibin.

Merkel, li Berlîna paytext, piştî hevdîtina bi Serokwezîrê Danîmarkayê Lars Lokke Rasmussen re derket pêşberî çapemenîyê û axivî. Merkel, anî zimên û got: “Em bikaranîna çekên kîmyewî qebûl nakin. Di derbarê qedexekirina bikaranîna çekêm kîmyewî de em piştgirîya Konseya Ewlekarîya Yekîtîya Milletan û Rêxistina Qedexekirina Çekên Kîmyewî dikin. Lê wek Almanya emê beşdarî êrîşên hewayî yên li dijî Sûrîyê nebin. Ji xwe halîhazir di vê derbarê de tu biryarek jî nehatiye girtin“.

Z.B