Peyama Kurd / Di dîroka Îsyanyayê de cara yekem e ku serokwezîrek bêyî ku bi xaç û Incîlê sûnd bixwe, dest bi erka xwe dike. Serokwezîrê nû û sosyalîst Pedro Sanchez bi makzagonê sûnd xwar û dest bi erka xwe kir.

Serokê Partîya Sosyalîst (PSOE) ê 46 salî Pedro Sanchez, di derbarê sosret û gendelîyên hikûmeta Partîya Gel (PP) de pêşnûme û pêşniyaz dabûn parlamentoyê û ev yek jî bûbû sedema ketina hikûmeta Mariano Rajoy.

Tê hêvîkirin ku Pedro Sanchez di demek kurt de kabîneya xwe damezrîne û wek serokwezîr karê xwe bimeşîne. Di meclîsa Îspanyayê de 350 kursî hene û Partîya Sosyalîst xwedîyê 84 kursîyan e. Her çiqasî pirdengî di destê Partîya Gel de be jî, lê li gor zagonên Îspanyayê ewê nikaribe zagonên nû veto û red bike.

Pedro Sanchez bi hêvî ye ku heta hilbijartinên 2020an li ser desthilatdarîyê be û di derbarê serxwebûna Katalonyayê de xwedîyê siyasetek nerm e. Sanchez, dixwaze ku serxwebûna Katalonyayê di çarçoveya makzagona Îspanyayê de bê çareserkirin.

Ev nivîs 210761 car hatiye xwendin.