Di hilbijartinên Tirkîyê de serketina partîya HDP hîna jî ne diyar e. Her çiqasî di lêpirsînan de xuya dike ku HDP benda hilbijartinê derbas dike jî, lê şik û guman hîna jî hene. Piştî tifaqa partîyên Kurd û HDP wê rewş û encam çawa bin ne kifş e.

Di vê derbarê de Hevserokê HDP Sezaî Temellî, ji çapemenîyê re axivî û anî zimên ku her çiqasî xeterî hebie jî tirsa wan ji benda hilbijartinê nîne û wê partîya wan bendê derbas bike.

Temellî, di derbarê rewşa Tirkîyê de jî axivî û got: “Pêwistîya Tirkîyê b i peymanek nû ya civakî heye. Divê em civakek hevbeş û komarek demokratîk ava bikin ku herkes karibe tê de bi azadî bijî“.

Temellî, anî zimên HDP tenê bi pirsgirêka bendavê danakeve, pirsgirêkên li pêşîya wê pir in, hemû dezgeh, medya û hêzên ewlekarîyê li dijî partîya wan ketine nav tevgerê û antî propaganda partîya wan dikin.

Z.B