Serokê Parlamentoya Iraqê: Bêyî asitiya civakî koçber û aware...

PeyamaKurd - Serokê Parlamentoya Iraqê Mihemed Helbûsî di axaftina xwe ya li kongereya rêxistinên civaka sivîl a li Bexdayê diyar kir; bêyî aşitiya civakî, koçber û aware nikarin vegerin cih û warên xwe.

Mihemed Helbûsî destnîşan kir: “Şerê DAIŞê bi hezaran kes aware kirine, rêxistinên civaka sivîl jî roleke wan a berçav ji bo vegerandina awareyan bo cih û warên wan hebû.”

Helbûsî herwiha eşkere kir: “Bêyî aştiya civakî, awareyên Iraqê nikarin vegerin cih û warên xwe.”

Ev di demekê de ye ku ji destpêka îsal ve Hikûmeta Iraqê biryar daye, kampan bigre û awareyan jî bi zorê bişîne cih û warên wan.