نرخی نەوت لە بازاڕەکانی جیهاندا

پەیامی کورد  ...  بە گوێرەی هەواڵی ئاژانسەكانی ئابووری لە جیهان بڵاویان كردەوە ئەمڕۆ چوارشەممە  ٨ی ٥ی ٢٠١٩  سزاكانی ویلایەتە یەكگرتوەكانی ئەمریكا بۆ سەر هەریەك لە وڵاتانی ئێران و ڤەنزۆئێلا بوەتە هۆكاری ئەوەی ئەمڕۆ چوارشەممە نرخی نەوتی خاو لە بازارەكانی جیهاندا بە جێگیری بمێنێتەوە.
  
بەپێی هەواڵی ئاژانسی ڕۆیتەرز ، نرخی نەوتی خاوی برێنت بە بەراورد بە نرخی پێشووی 6 سەنت و بە ڕێژەی لەسەدا 0.1 بەرزبووەتەوە و نرخی یەك بەرمیل لەو بەرهەمە كردویەتیە 69.94 دۆلار لە كۆتا مامەڵەدا.

هاوكات نرخی یەک بەرمیل نەوتی خاوی تەکساسی ڕۆژئاوای ئەمریکا بە بەراورد بە نرخی پێشوتری 6 سەنت و بەڕێژەی لەسەدا 0.3 بەرزبوەتەوە و نرخی یەك بەرمیل كردویەتیە 69.94 دۆلار.  
بەپێی ووتەی شارەزایانی ئابووری، سزاكانی ویلایەتە یەكگرتوەكان بۆ سەر هەریەك لە ووڵاتانی ئێران و ڤەنزۆئێلا كاریگەری هەیە لەسەر مانەوەی نرخی نەوت لە ئاستێكی دیاریكراودا.

ئەوە لەكاتێكدایە، بە شێوەیەكی گشتی سزاكانی ویلایەتە یەكگرتوەكان بۆ سەر هەریەك لە وڵاتانی ئێران و ڤەنزوێلا-ی ئەندام لە رێكخراوی ووڵاتانی نەوت (ئۆپیك) كە پێشتر زۆرینەی داهاتی ووڵاتەكانیان لەسەر هەناردەكردنی نەوت بوە، كاریگەریەكی بەرچاوی لەسەر هەڵكشان و داكشانی نرخی نەوت لە بازارەكانی جیهاندا هەیە.