عەبدۆلمەهدی دوا لە پۆمپێئۆ دەکات هەر چی زووتر عێراق بە جێ بهێڵن
پەیامی کورد ... سەرۆك وەزیرانی كاربەڕێكەری عێراق داوا لە وەزیری دەرەوی ئەمریكا دەكات هێزەكانیان لە ووڵاتەكەی بكشێننەوە.
نووسینگەی عادل عەبدۆلمەهدی سەرۆكی وەزیرانی كاربەڕێكەری عێراق بڵاویكردەوە، لە پەیوەندیەكی تەلەفونیدا لەگەڵ مایك پۆمپێئۆ وەزیری دەرەوەی ئەمریكا كردووە لە چوارچێوەی بڕیارەكەی پەرلەمانی عێراق بۆ كشانەوەی هێزە بیانیەكان، ئامادەكارییەكانیان بۆ كشانەوەی هێزەكانیان لە عێراق دەستپێبكەن.
هاوكات عادل عەبدۆلمەهدی سەركۆنەی ئەو هێرشانەشی كردووە كە لە ئەنبار و بەغدا كرانە سەر هێزەكانی ئەمریكا و بە پێشێلكردنی سەروەری عێراق ناویبردوون و باسی لەوەكردووە، كە بەغدا هەوڵی تەواو دەدات بۆ ئەوەی عێراق نەبێتە گۆڕەپانی شەڕی ووڵاتان.
لای خۆیەوە وەزیری دەرەوەی ئەمریكا جەختی لە رێزگرتنی ووڵاتەكەی لەسەروەری عێراق كردۆتەوە و پەرۆشی واشنتۆنی بۆ بەرەوپێشبردنی پەیوەندی دوولایەنە خستوەتەڕوو.