بەپەلە ... خۆپیشاندەرانی لایەنگری میلیشیاکانی عێراق هێرش دەکەنە سەر ناوچەی سەوز
پەیامی کورد ... خۆپیشاندەرانی لایەنگری میلیشیاکانی عێراق هێرش دەکەنە سەر ناوچەی سەوز
کەمێک بەرلەئێستا لایەنگرانی هێزە میلیشیاکانی عێراق خۆپیشاندانێکیان دژی هەنگاوەکانی ئەم دواییەی حکوومەتی عێراق ئەنجامدا و هەڵیانکوتایە سەر ناوچەی سەوز، بەپێی زانیارییەکانیش هەوڵی کردنەوەی یەکێک لە دەرگاکان دەکەن.
لەلایەکی دیکەوە سەرچاوەیەک لەخۆپیشاندانەکە بە دیجلەی راگەیاندوە، خۆپیشاندانەکە دژی بڵاوکردنەوەی وێنەیەک بوە لەلایەن رۆژنامەی " شەرقولئەوسەت".
خۆپیشاندەران، کە زۆرینەیان لایەنگری هێزە میلیشیاکانن لەدژی رۆژنامەکە و حکومەتیش دروشمیان بەرزکردۆتەوە و ئیدانەی بڵاوکردنەوەی ئەو وێنەیە دەکەن و بەبێڕێزیکردن بەمەرجەعیەتی دەزانن.
هێزە ئەمنییەکانیش بەبەکارهێنانی ئاو هەوڵی دورخستنەوەی خۆپیشاندەران دەدەن کەهەوڵیانداوە دەرگایە بەشی رۆژهەڵاتی ناوچەی سەوز تێکبشکێنن و بچنە ژوەرەوە.
لەماوەی چەند رۆژی رابردو، بەهۆی دەستگیرکردنی ژمارەیەک بەرپرسی باڵای هێزەکانی کەتائیبی حزبوڵا، لایەنگرانی ئەو هێزانە خۆپیشاندانێکی گەورەیان لەبەردەم ناوچەی سەوز ئەنجامدا و هەڕەشەیان لە موستەفا کازمی کرد.
ئەمە لەکاتێکدایە، سەرلەبەیانی ئەمڕۆ یەکشەممە دو موشەک ئاراستەی ناوچەی سەوز و بنکەی سەربازی تاجی کرا.