بەپەلە ... ئێران بەلەمەکانی دەستکاری کردووە بۆ گواستنەوەی مووشەکی کرووز

پەیامی کورد   ...   ئێران دەستکارى بەلەمەکانى کردووە بۆ ئەوەى مووشەکى کرووزیان بخاتە سەر

 مایکڵ جیڵدای، سەرۆکى دەستەى سوپاسالاری هاوبەش ڕایگەیاندووە "لەم ماوەیەدا سەرکردە ئێرانییەکان بەئاشکرا هەڕەشەى داخستنى گەرووی هورمۆزیان کرد و بە کردەوە پاڵپشتیان لەو هەڕەشانە کرد و هێزەکانیان بۆ تۆقاندنى جووڵەى بازرگانی نێودەوڵەتى و سەرچاوەکانى ووزەى جیهانى جێگیر کرد.

▫️ سەرۆکى دەستەى سوپاسالاری هاوبەش ووتیشى "ڕێکارەکانى ئەم دواییەى سوپای پاسدارانى ئێران، کە بریتی بوون لە هێرشکردنە سەر کەشتییە بیانییەکانى فجیرە و هەوڵدان بۆ بڵاوکردنەوەى بەلەمى دەستکاریکراو کە تواناى تەقاندنەوەی مووشەکی کرووزی هەبێ، هەموویان بەشێکن لە ستراتیژییە مەترسیدارەکەی ئێران و هەڕەشەى بەردەوامن بۆ سەر بازرگانى جیهانى و تێکدانى سەقامگیرى ناوچەکە".

▫️ جێڵداى گووتیشى " لەچەند هەفتەى داهاتوو، چاودێری هەواڵگری پتەوتر دەکەین و تواناى چاودێری ئاسمانی بەهێز دەکەین، لەپاڵ ئەوانەشدا ئەندازەى هێزە پارێزگارییەکان و یەکەى فرۆکەوانى لەناوچەکە چڕ تر دەکەینەوە".