بەپەلە ... پێشنیارەکەی ڕووسیا بە ئەمریکا بۆ پێشگرتن لە ڕوودانی شەڕی ئەتۆمی بێ ووڵام مایەوە
پەیامی کورد ... ڕووسیا پێشنیاری بە ئەمریکا کردووە هەر دوو ووڵات بۆ پێشگرتن لە ڕوودانی شەڕی ئەتۆمی ڕێکەتننامەیەک واژوو بکەن بەلام تاکوو ئێستا هیچ ووڵامێکی وەرنەگرتووە .
بە پێی ڕاپۆرتێک ، مۆسکۆ ڕەشنووسی سەنەدی پەیوەندیداری لە نۆڤەمبەری ساڵی ٢٠١٨ ڕادەستی لایەنی ئەمریکی کردبوو . لەو ڕەش نووسەدا ئاماژە بەوە کرابوو کە لە جەنگی ئەتۆمی دا هیچ لایەنێک ناتوانێ سەرکەوتوو بێت و ئەم جۆرە شەڕە نابێ ڕووبدات .
بە پێی پێشنیاری لایەنی ڕووسی ، سەرانی دوو ووڵات دەبێ ڕێکەوتننامەیەک واژوو بکەن کە دەبێ نییەتی ڕووسیا و ئەمریکا بۆ پێشگرتن لە بەرەوڕووبوونەوەی سەربازی و هەڵوەشاندنەوەی ئەگەری شەڕی ئەتۆمی تێدا بێت .
جگە لەمەش پێشنیار کرا ڕێوشوێنی پێویست بۆ پێشگرتن لە بەکارهێنانی لەناکو لە چەکی ئەتۆمی شیکراوەتەوە .
ئەمریکا ئەنجامدانی پەیمانی دژە مووشەکی ئەتۆمی مەودا ناوەند بۆ پێشێلکردنی سیستێماتیکی ئەم پەیمانە لە لایەن ڕووسیاوە لە ڕۆژی دووی فێبریوەرییەوە ڕاگرت . مۆسکۆ ڕێوشوێنی هاوشێوەی بۆ ووڵامدانەوەیەک بە واشینتۆن ئەنجام دا .
جێگای ئاماژەدانە ڤلادیمیر پووتین ، سەرۆککۆماری ڕووسیا ڕۆژی ٤ی مارس فەرمانی ڕاگرتنی ئەنجامدانی پەیمانی دژە مووشەکی ئەتۆمی مەودا ناوەندی تا کاتێکی نادیار دەرکرد و واژووی کرد .
ئەم بڕیارە ووڵامدانەوەیەک بو بە بڕیاری واشینتۆن دەربارەی ئەنجام نەدانی ئەم پەیمانە گیراوەتە بەر .
پەیمانی مووشەکی مەودا ناوەند و مووشەکگەلی مەودا کورت لە ٨ی دێسەمبەری ١٩٨٧ لە کاتی سەفەری میخائیل گۆرباچۆف ڕابەری کاتی شەورەوی بۆ واشینتۆن واژوو کرابوو