ئۆباما پشتگیری خۆی بۆ بایدەن دووپات کردەوە
دوای ئەوەی شەوی ڕابردوو جۆیادن بە بەدەستهێنانی ٢٩٠ دەنگی دەستەی هەڵبژاردنی سەرۆکی ئەمریکا بوو بە سەرۆکی هەڵبژێردراوی ئەمریکا، باراک ئۆباما سەرۆکی پێشووتری ئەو وڵاتە پیرۆزبایی خۆی ئاڕاستەی جۆبایدن و کامالا هاریس کرد.
باراک ئۆباما باسی لەوەشکردووە، "جۆ بایدن بە خواستی هەموو ئەمریکییەک کاردەکات و گەر کەسێک دەنگی پێدابێت یاخود دەنگیشی پێنەدابێت و داوا لەهەموو ئەمریکییەک دەکەم کە دەرفەت بە جۆبایدن بدەن و پاڵپشتی بکەن".
ئۆباما ئاماژەی بەوەشکردووە، "ئەوان بە بەختن کە جۆبایدن دەبێتە سەرۆکیان، چونکە کاتێک دەچێتە کۆشکی سپییەوە، دەبێت روبەڕوی چەند قەیرانێک و ئاستەنگێک ببێتەوە، لەوانەش ڤایرۆسێکی بەربڵاوی مەترسیدار، سستمێکی نایەکسانی دادوەری و ئابووری، دیموکراسییەک کە لە مەترسیدایە و کەشوهەواش کە لە گۆڕانی بەردەوامدایە".
سەرۆکی پێشووتری ئەمریکا ئەوەشی وتووە، "سوپاسی هەموو رێکخەر و ئەو خۆبەخشانە دەکات کە لە هەڵمەتی هەڵبژاردنی بایدندا کاریان کردووە".