بێنی گانتس : ئیزنی هەژموونی حێزبۆڵڵا و ئێران لە بەرزاییەکانی جەوڵان نادەین
پەیامی کورد ... بێنی گانتس : ئیزنی هەژموونی حێزبۆڵڵا و ئێران لە بەرزاییەکانی جەوڵان نادەین
وەزیری بەرگری ئیسرائیل بە پشتڕاست کردنەوەی بۆمبارانی دووبارەی حەماس ڕایگەیاند کە ئیزنی هەژموونی حێزبۆڵلا و هێزەکانی ئێران لە بەرزاییەکانی جەولان نادەین .
بە پێی ڕاپۆرتێک بێنی گانتس ، وەزیری بەرگری ئیسرائیل ووتی : معادلەی ئیسرائیلی لە باشوور گۆڕاوە . چیتر لە باڵۆنی ئاگرین و نە مووشەک و نە هیچ شتێک جێگای قەبووڵ کردن نییە . ئێمە شەوی ڕابردوو مۆڵگەکانی حەماس مان بۆمباران کردووە . هەر کاردانەوەیەک لە دوژمنەوە کاردانەوەی خراپتری ئێمەشی بەدواوە دەبێت . ئیسرائیل دەبێ لە بەرامبەر هەر هێرشێک بەرگری لە خۆی بکات
وەزیری بەرگری ئیسرائیل دەربارەی هێرشەکانی شەوی ڕابردوو گرێدراو بە ئیسرائیل لە سووریا ووتی : دەربارەی ئەوەی کە هێرشمان کردووەتە سەر قسە ناکەین . ئەوەی کە دەمەوێت بیڵێم ئەوەیە کە ئیزن بە ئامادەبوونی حێزبۆڵلا و هیزەکانی ئێران لە بەرزاییەکانی جەوڵان نادەین .