بە ناچاری ئێران بڕیارێکی ئاژانسی ووزەی ئەتۆمی پەسەند دەکات
ئێران ڕەزامەنی نیشانداوە بۆ دانانەوەی کامێراکانی چاودێری پشکێنەرانی ئاژانسی ووزەی ئەتۆمی لە ناوەندی بەرهەمهێنانی ” سانتریفیووژ” ەکانی خۆی .
چەند کاتژمێرێک دوای قسەکانی وەزیری دەرەوەی ئێران سەبارەت بە ڕێککەوتنێک و پەسەند کردنی بڕیارێکی ئاژانسی ووزەی ئەتۆمی ، ماڵپەڕی ئەنجوومەنی باڵای بەرژەوەندییەکانی نیشتیمانی ئێران ئاشکرای دەکات ، ئێران ڕەزامەندی نیشان داوە بۆ دانانەوەی کامێراکانی چاودێری ئاژانسی ووزەی ئەتۆم لە ناوەندەکانی بەرهەمهێنانی سانتریفیووژی ئەتۆمی .
ماڵپەڕی “نوور نیوز ” دەنووسێت ئێران لە هەڵوێستێکی جیاوازدا بڕیاریدا بۆ دانانەوەی کامێراکانی چاودێری لە ناوەندەکانی بەرهەمهێنانی سانتریڤیووژ لە لایەن ئاژانسی ووزەی ئەتۆمییەوە .
بەڵام لە بەشێکی دیکەی هەواڵەکەدا هاتووە ، ئەو کامێرایانە جێگرەوەی کامێرا کۆنەکان دەکرێن کە ئێران پێشتر لە کاری خستبوون .