بەرەوڕووبوونەوەی ئێسرائیل و ئەمریکا بەرامبەر بە ئێران
پەیامی کورد ... ترامپ و ناتانیاهوو گرینگی بەرەوەڕووبوونەوەی هاوبەشیان لەگەڵ ئێران جەختیان لە سەر کردەوە .
بە پێی ڕاپۆتێک بە پشت بەستن بە ڕاگەێندراوی بنکەی میدیایی کۆشکی سپی ، دۆناڵد ترامپ ، سەرۆککۆماری ئەمریکا و بێنیامین ناتانیاهوو سەرۆکوەزیرانی ئیسرائیل لە کۆتایی ووتووێژەکان لە واشینتۆن پێویستی بەرەوەڕووبوونەوەی هاوبەش لەگەڵ ئێران لە ڕۆژهەڵاتی ناوەڕاست جەخت لە سەر کردەوە .
لە سەنەدی بڵاوکراوی کۆشکی سپی دا هاتووە : " ڕابەرانی ئەمریکا و ئیسرائیل بەرەوڕووبوونەوەی هاوبەش لەگەڵ ئێران و هەوادارانی ئەو ووڵاتە بۆ بەرگری لە ئیسرائیل و ناوچەکە لە بەرامبەر هێرشی ئێران جەخت لێکردەوە . ناتانیاهوو بە بۆنەی بە فەرمی ناساندنی بەرزاییەکانی جەولان وەکوو بەشێک لە ئیسرائیل سوپاسگوزاری سەرۆککۆماری ئەمریکای کرد " .
سەرۆککۆماری ئەمریکا و سەرۆکوەزیرانی ئیسرائیل سەنەدی پەیوەند بە بە فەرمی ناساندنی بەرزاییەکانی جەولان لە مەراسمێکی پڕشکۆدا لە کۆشکی سپی واژوو کرد .
بەرزاییەکانی جەولان کە سەر بە ووڵاتی سووریایە لە شەڕی ٦ ڕۆژە لە ساڵی ١٩٦٧ کەوتە دەستی ئیسرائیل . لە دوای ١٤ ساڵ ، مەجلیسی ئیسرائیل یاساییەکی سەبارەت بە حاکمییەتی ئیسرائیل لە سەر بەرزاییەکانی جەولان واژوو کرد .