بەرپرسانی تورکیا ئاوی خواردنەوەیان بە سەر شاری حەسەکە دا گرتەوە
پەیامی کورد ... بەرپرسانی تورکیا ئاوی خواردنەوەیان بە سەر شاری حەسەکە دا گرتەوە
میدیاکانی هەواڵ ڕاپۆرت لە بێ ئاو مانەوەی دانیشتووانی شاری حەسەکە لە سووریا دەدەن بە هۆی " هەنگاوە نامرۆڤانەکانی بەرپرسە سەربازی و نیزامییەکانی تورکیا " وە
بە پێی ڕاپۆرتێک کەناڵی دەوڵەتی سووریا دوێنێ ئێوارە ڕایگەیاند کە دانیشتووانی شاری حەسەکە بە هۆی هەنگاوە نامرۆڤانەکانی بەرپرسانی سەربازی و نیزامی تورکیاوە بێ ئاو ماونەتەوە .
لەم ڕاپۆرتەدا هاتووە : سەربازانی تورکیا وێستگەی گەیاندنی ئاوی ئالووک لە باکووری شاری حەسەکە یان داخستووە و ئیزنی هاتنی کڕیکاران و ئەندازیاران نادرێت بۆ ئەوەی بچنە ناو ئەو دامەزراوەیەوە .
بە پێی ڕاگەیاندنی ئەم کەناڵە تەلەفزیۆنییە ، بەرپرسانی سەربازی تورکیا لە ماوەی ساڵانی ڕابردوودا ١٨ جار هەوڵی داخستنی وێستگەی گەیاندنی ئاو یان داوە کە ئەم بابەتە ، دۆخێکی نالەباری بۆ ژیانی هاووڵاتیانی ئەو ناوچەیە درووست کردووە .