بازرگانی عێراق لەگەڵ ئێران ساڵانە دەگاتە 40 ملیار دۆلار

پەیامی کورد... بازرگانی عێراق لەگەڵ ئێران ساڵانە دەگاتە 40 ملیار دۆلار

ڕۆژی سێشەممە 26ی ئەیلولی 2023، ڕێکخراوی گەشەپێدانی بازرگانی ئێران ئامادەیی حکوومەتی وڵاتەکەی بۆ هاوکاری لەگەڵ عێراق و بەشداریکردن لە گەشەپێدانی پیشەسازیی وڵاتەکەی تا ساڵی 2035 دەربڕی، پێشنیاری بەرزکردنەوەی قەبارەی ئاڵوگۆڕی بازرگانی نێوان هەردوو وڵاتی بۆ 40 ملیار دۆلاری ساڵانە کرد.

لە میانی کۆنفرانسی بازرگانی هاوبەشی ئێران و عێراق لەلایەن سەرۆکی ڕێکخراوەکە، مەهدی ضیغمی پێشکەش کرا، ئێران ئامادەی خۆی نیشاندا بۆ دابینکردنی تەکنەلۆجیا بۆ عێراق و پەرەپێدانی پڕۆژەی پیشەسازی لە عێراق.

هەروەها مەهدی ووتیشی، بە ناوی وەزارەتی پیشەسازی و حکومەتی ئێرانەوە پشتیوانی هەمەلایەنەی خۆمان بۆ گەشەپێدانی پیشەسازیی عێراق تا ساڵی 2035ڕادەگەیەنین، قەبارەی پەیوەندییە بازرگانییەکانی نێوان ئێران و عێراق لە زیادبووندایە و ساڵانە دەتوانێت بگاتە 30 یان 40 ملیار دۆلار.

لە درێژەی قسەکانیدائەوەشی خستەڕوو، "لیژنەی بازرگانی هاوبەشی نێوان هەردوو وڵات لێکۆڵینەوە لە پەرەپێدانی پلانەکان و پەرەپێدانی ژێرخانی ئابووری، ڕێگاکانی پەرەپێدانی بازرگانی نێوان ئێران و عێراق دەکات".

هەروەها ئاماژەی بەوەشکرد، "لیژنەکە لێکۆڵینەوەی کردووە بۆ هەڵوەشاندنەوەی سنووردارکردنی بازرگانی و تایبەتمەندییەکانی نێوان هەردوو وڵات، لەگەڵ پرسە لۆجستی و بازرگانییەکان بۆ ئەوەی قەبارەی بازرگانی ئێستا بۆ 20 ملیار دۆلار ساڵانە بەرزبکەنەوە".