بوومەلەرزەیەک ئەفغانستانی هەژاند و لە هیندستان هەستیپێکرا

پەیامی کورد... بوومەلەرزەیەک ئەفغانستانی هەژاند و لە هیندستان هەستیپێکرا

ئەمڕۆ پێنجشەممە11ی کانونی دووەم، بوومەلەرزەیەکی بەهێز ئەفغانستانی هەژاند و لە باکوری هیندستانیش هەستیپێکرا.

بەپێی ڕۆژنامەی ئیندیەن ئێکسپرێس، دوانیوەڕۆی ئەمڕۆ پێنجشەممە بوومەلەرزەیەک بەگوڕی 6.3 پلەی ڕێختەر ئەفغانستانی هەژاند و لە ناوچەکانی باکوری هیندستان هەستیپێکراوە.

ڕوونیکردەوە، لە نیودەلی هەست بە بوومەلەرزەکە کراوە و تائێستا زانیاری لەبارەی زیانەکانەوە بڵاونەکراوەتەوە.

هاوکات، سەنتەری بوومەلەرزەزانی دەریای ناوەڕستی ئەوروپا، ڕوودانی بوومەلەرزەکەی پشتڕاستکردەوە و ئاشکرایکرد بوومەلەرزەکە لە قوڵایی 201 کیلۆمەتر لەژێر زەوی بووە.