Cîhan
لویس ساكۆ ، پاتریاركی كڵێسای كلدانی گەڕایەوە بەغداد
پاتریاركی كڵێسای كلدانی لە عێراق و جیهان پاش ماوەیەك لە جێهێشتنی، گەڕایەوە بەغداد.
كاردینال لویس ساكۆ، پاتریاركی كڵێسای كلدانی لە عێراق و جیهان گەڕایەوە بەغداد و یەكەم وێستگەی رەسمی كۆبوونەوەی بوو لەگەڵ محەمەد شیاع سودانی، سەرۆك وەزیرانی عێراق.
بەپێی راگەیەندراوێكی كۆبوونەوەی نێوانیان، سودانی جەختیكردووەتەوە لەسەر سووربوونی حكومەت لە دەستەبەركردنی بنەمای پێكەوەژیان و برایەتی نێوان پێكهاتەكانی گەلی عێراق بۆ گەیشتنە بنەمای هاوڵاتیبوون.
هەروەك ئاماژەی بە رۆڵی مێژوویی مەسیحییەكانی عێراق و، بەشدارییان لە بونیادنانی دەوڵەت و پتەوكردنی پایەكانی كردەوە.