ئۆكراینا ڕێگری لەفرینی فرۆكەیەكی توركیا لەئاسمانی ووڵاتەكەی دەكات
پەیامی کورد... ئۆكراینا ڕێگری لەفرینی فرۆكەیەكی توركیا لەئاسمانی ووڵاتەكەی دەكات
فرۆكەیەكی توركیا لەكاتی گەڕانەوەی لەمۆسكۆوە بۆ ئەنقەرە لەلایەن دەستەڵات دارانی ئۆكرینا رێگری لێكرا كە بەئاسمانی ئەو ووڵاتەدا بفڕێت.
بەگوێرەی زانیاریەكان : فرۆكەكە شاندی توركیای بۆگفتوگۆی نێوان سوریا و ڕووسیا و توركیای لە مۆسكۆ هەڵگرتبوو كە پێكهاتبوون لە خولوسی ئاكار وەزیری بەرگری و هاكان فیدان سەرۆكی دەزگەی هەواڵگری میت.
بەپێی سەرچاوەكانی هەواڵ: فڕۆكەكەی توركیا ناچاركراوە ئاڕاستەی گەشتەی بگۆڕێت و پێنج كاتژمێری دیكە لە ئاسمانی جۆرجیاوە فڕیوە، تا بەرەبەیانی ڕۆژی پێنج شەممەی ڕابردوو گەیشتووەتەوە ئەنقەرە.
شایەنی باسە: چوار شەممەی ڕابردوو لەمۆسكۆ بەنێوەندگیری ڕووسیا وەزیرانی بەرگری، سەرۆكانی دەزگەی هەواڵگری توركیا و سووریا كۆبوونەوە، تاووتوێی پرسەكانی تیرۆر و سەروەری خاكی سووریایان كردووە.
بەگوێرەی ڕای چاودێران : ئامانجی سەرەكی ئەو كۆبوونەوەیە پرسی ڕۆژئاوای كوردستانە، كە توركیا دەیەوێت بە هەر نرخێك بێت لەناوی ببات یان لاوازی بكات.