کۆمپانیای فایزەر: كۆرۆنا تا 2024 بهردهوام دهبێت
پەیامی کورد … کۆمپانیای فایزەر: كۆرۆنا تا 2024 بهردهوام دهبێت
کۆمپانیای فایزەر پێشبینی دەکات ڤایرۆسی كۆرۆنا تا ساڵی 2024 بەردەوام بێت.
مایکڵ دۆڵستاین، یەكێك لە بەرپرسە زانستییەكانی کۆمپانیاکە ڕایگهیاندووه، پێشبینی دەکات لە هەندێک ناوچە ئاستی کۆڤید-19 تا یەک بۆ دوو ساڵی داهاتوودا بەردەوامبێت، بهڵام له هەندێک له وڵاتان، کە دۆخی تووشبوون تێیدا كهمه، دەتوانرێت لە مەودایەکی کەمدا کۆنترۆڵ بکرێت.
ئهو بهرپرسهى كۆمپانیاى فایزهر پێشبینی دەکات بە هاتنی ساڵی 2024 نەخۆشییەکە لە هەموو جیهاندا کەمبیتەوە.
دۆڵستاین دووبارە ئەو بۆچوونە دووپاتدەكاتەوە، كە كۆنترۆڵكردنى ڤایرۆسهكه پهیوهسته به خۆڤاكسینكردنى هاوڵاتییان، دهشڵێت، لهو كۆمهڵگایانهى خۆڤاكسینكردن تێیدا کەمە، ڕهنگه دەرکەوتنی گۆڕاوە نوێیهكان کاریگەریی لەسەر بەردەوامی و بڵاوبوونەوەی پەتاکە هەبێت.
پێشتر ئەنتۆنی فاوچی گەورە پسپۆڕی ئەمریكی بەر لە دەرکەوتنی گۆڕاوى ئۆمیکرۆن پێشبینی کردبوو ڤایرۆسهكه لەساڵی 2022دا لە ئهمریكا کۆتایی دێت.
کۆمپانیای فایزەر ڤاکسینی کۆڤید-19ی لەگەڵ کۆمپانیای بایۆتێکی ئەڵمانی بەرهەمهێناوە، پێشبینی دەکات لە ساڵی داهاتوودا داهاتی 31 ملیار دۆلار بێت، پلانی ئهوهشی هەیە لە ساڵی داهاتووەوە ساڵانە چوار ملیار ژەمە ڤاكسین بەرهەم بهێنێت.